Gweithwyr Cyswllt Gofalwyr

Mae ein Gweithwyr Cyswllt Gofalwyr yn cwmpasu ardal ddaearyddol gyfan Sir Pen-y-bont ar Ogwr gyda’r prif bwrpas o weithio mewn partneriaeth â Meddygfeydd Teulu i nodi gofalwyr cudd ledled y fwrdeistref.

Mae meddygfeydd teulu yn ffordd allweddol o adnabod y gofalwyr cudd gan mai dyma’r pwynt cyswllt cyntaf yn aml. Nod y Gweithwyr Cyswllt yw gwella cydnabyddiaeth gofalwyr ac adnabod gofalwyr newydd a chefnogi mwy o ofalwyr yn gynharach ac i ddarganfod ‘Beth sy’n bwysig iddyn nhw’ trwy ddarparu gwybodaeth, cyngor a gwella iechyd a lles a mynediad at weithgareddau cymunedol.

Os ydych chi’n ofalwr neu’n adnabod rhywun sy’n darparu gofal a chefnogaeth i rywun, cysylltwch â ni.

Karen a Kay yw’r Gweithwyr Cyswllt Gofalwyr yn sir Pen-y-bont ar Ogwr gan gynnwys ardal Pencoed, Pen-y-bont ar Ogwr, Sarn, Maesteg, Garw, Ogwr a Nantymoel.

Os ydych chi’n ofalwr neu’n adnabod rhywun sy’n darparu gofal a chefnogaeth i rywun, cysylltwch â ni.

Beth rydyn ni’n ei wneud?

Annog gofalwyr mewn ffordd gyfannol i sefydlu beth sydd bwysicaf iddyn nhw a’u galluogi i gymryd mwy o reolaeth dros eu hiechyd a’u lles. Rydym yn mabwysiadu dull gofal personol i feithrin ymddiriedaeth a pherthynas er mwyn canolbwyntio ar yr hyn sydd bwysicaf i ofalwyr.

Sut rydyn ni’n ei wneud

Darparu cefnogaeth ymarferol ac emosiynol i ofalwyr drwy bob cam o’u taith ofalu a thu hwnt.

Rydym yn datblygu perthnasoedd ac yn darparu gwybodaeth, cyngor a chefnogaeth i gysylltu gofalwyr â gwasanaethau statudol, sefydliadau trydydd sector, neu â’n gwasanaethau arbenigol o fewn y tîm. Rydym hefyd yn gallu cynnig gweithgareddau grŵp gofalwyr, Grantiau Gofalwyr, gweithdai a hyfforddiant i gefnogi ac annog gofalwyr ar eu taith ofalu.